Acuare Nautilus
"Nautilus" - n corët vi tl acuare
Te Gherdëina àn corëc de nautiloig che viô tl mer tl Perm alt – dan da zirca 250 miliuns d’agn. Dui de chisc corëc, che é por la sciënza na descurida daldöt nöia, é metüs fora tla seziun sura les Dolomites de nosta mostra permanënta. Por che vijitadësses y vijitadus pois s’imaginé co che i nautilus vir, él de dezëmber dl 2005 gnü arjigné ite atira dlungia n acuare cun ejemplars vis dla sort Nautilus pompilius Linnaeus, 1758. Adinfora de Balsan é chisc “corëc viënc” ra mâ plü da odëi tl acuare dl Parco le Navi a Cattolica.
Le Nautilus pompilius é n tier dër delicat y nia saurì da zidlé te n acuare. Porchël él gnü costruì n acuare spezial da 1.000 litri cun na temperatöra dl’ega de 18-20°C. Deache i nautilus vir tla profondité dl mer y n’é nia ausês a n’intensité alta dla löm, é le droch ilominé a bröm. Sot l’acuare él n sistem de filtraziun complès che regolëia ince le contenü de sè dl’ega.
Publicaziun tla revista "Oasis" [PDF-Download 1,22 MB]