Geologia te Südtirol

Geologia te SüdtirolTla pröma pert dla mostra vëgnel presentè le svilup geologich de cater contrades tipiches de Südtirol. Fostüs da plü de 300 miliuns d’agn de storia dla tera testimoniëia le svilup rich y varié de nostes contrades. Dè forma à chilò vulcans y banc de corai dl mer dl süd tan bëgn co ince les forzes enormes dla faldaziun dles Alpes. Ala fin à ciamò l’eté dles dlaciaziuns albü süa faziun: dlacias i à dè a Südtirol süa ultima limada.