Proiet “Gasser“

Proiet “Gasser“ Le privatier da Balsan Georg Gasser (1857-1931) é por dërt le fondadù dl Museum de Sciënzes Naturales de Südtirol. Süa arpejun, suradöt süa ampla coleziun de minerai, à ala fin dè la sbürla por la costruziun dl museum. Dl 2007 àn le 150ejim aniversar de süa nasciüda y le 75ejim de süa mort. Porchël á le Museum de Sciënzes Naturales organisé na mostra sön ël y süa ativité. Tl medem tëmp él ince gnü publiché na biografia critica sura Georg Gasser.

Ajache la vita de Gasser é documentada mâ te framënc y söä arpejun é fina incö gnüda laurada sö mâ dër püch (adinfora de perts de süa coleziuns de naturalia), él gnü fat n’enrescida ampla sön “Gasser“ tl cuader de n proiet d’archirida museologica. La priorité é gnüda metüda sön trëi aspec:

  • Biografia de Gasser
  • So arpejun scientifica tla tenjiun danter materialism y religiosité
  • Gasser sciöche pitur