Archeologia dles mineores
Posc olache al gnô fat belo adora l’estraziun de metal: Co y te ci posc gnôl fat te Südtirol ai tëmps de Ötzi estraziun de metal? Ci significhëia i tröc posc de scories tles altöres dles Alpes? Da olà gnô les peres da metal y olà jô i metai che gnô fac? Ci testemoni podunse nos ciafè incö y ci po chisc nes dì? Él lians coles zones dles mineores de Südtirol dl’eté medievala y di pröms tëmps moderns?
De de te’ domandes sön le sfrutamënt preistorich dles mineores y dla metalurgia ôn cun chësc proiet dè val’ stlarimënt.
La priorité dl proiet archeologia dles mineores é chëra dl’estraziun alpina de ram tratan le tëmp dl brom. N colauraziun cun l’Ofize por i bëgns archeologics él gnü fat bele ti istês 1998 y 1999 escavaziuns archeologiches dles mineores. Dedô spo é le proiet gnü amplié y portè inant deboriada cun le Museum d’Archeologia de Südtirol (dot. Günther Kaufmann).
Deache les cuestiuns nominades ne sciafia nia da gnì stlarides zënza l’aiüt dl’analisa chimica-fisica, él gnü lié ite tl proiet ince ciamò d’atri partners. Tl cuader de na cooperaziun scientifica laóra impara ince le prof. Gilberto Artioli dl’ Universitá degli Studi di Milano y Wolfgang Müller dla Royal Holloway University of London.
Leteratöra:
Hanns Oberrauch: Prähistorische Metallurgie in Südtirol Minaria Helvetica, Sondernummer: 4. Internationaler Bergbau-Workshop. 3. bis 6. Oktober 2001 in Mels Nr 21c/2001.
Convëgn:
Der Ritten in Vor- und Frühgeschichte
Zu Siedlungsprozessen in Mittelgebirgslandschaften
04.-05.12.02 Bozen Waltherhaus y Stadtmuseum
Convëgn de archeologia dl metal:
15 de jügn 2005: “Il sito fusorio della piena età del Rame di Millan presso Bressanone nal quadro della prima metallurgia dell’area alpina“. Benno Baumgarten: “Welche Schlüsse lassen sich aus den historischen Bergbauspuren um Brixen für die Vorgeschichte ziehen?“
Cun scovertes nöies (p.e. a Gufidaun) röiel por fortüna indô pormez material d’inrescida nö. Impò adorunse le sostëgn de privac. Chi che po nes indiché osservaziuns o scovertes aladô – scories por ejëmpl – é porchël periês de s’anunzié tl museum pro Benno Baumgarten.
N link informatif sön chësc argomënt:
http://www.ufg.uni-freiburg.de/d/publ/smeltexp.html