Proiec d’archirida
Ti seturs dla botanica, dla zoologia y dles sciënzes dla tera vegnel coiü adöm, studié, documentè y conservè reperc naturalistics d’importanza. Ai é la fondamënta por i stüdi dl inventar naturalistich. L’interès prinzipal i va a Südtirol, laprò vëgnel indere ince tignì cunt de raiuns vijins y dl raiun alpin intier.
Dlungia le personal scientifich dl museum instës laôra pro nos ince colauradësses y colauradus lëdi, praticanc y scienziês amatoriai.
Geologia
3_thumbnailjpg.jpg)
Le tlima y la vita dan da 140 miliuns d'agn
Tl 2008 él pié ia n proiet dla dörada de trëi agn finanzié dla Fondaziun austriaca por l'archirida FWF (proiet P20018-N10) y coordiné dal dot. mag. Alexander LUKENEDER dl Naturhistorisches Museum de Viena. Ara se trata de na cooperaziun danter le Naturhistorisches Museum y le Museum dla Natöra de Südtirol. 22 scienziês che vëgn da 7 stac desvalis ejaminarà te chësc proiet le tlima y la vita tl raiun dles Dolomites d'al dedaincö tratan le tëmp dla Crëda.
La flora dl Perm tl Bletterbach-Butterloch
Scovertes de plantes fossilisades dl Perm südalpin conëscion dal 19ejim secul incà, ince sce deplü auturs à tres indô critiché ch'ares é conservades mal. Te Südtirol àn scovertes dal tëmp dla pera da saorun de Gherdëina; ciafè ne n àn a Auer y sön la Munt de Suc, i posc de scoverta plü conesciüs é indere Cuecenes (Gherdëina) y le Blätterbach/Butterloch.
Botanica
Flora de Südtirol
La priorité dl archirida atuala tl setur dla botanica é le relevamënt dles plantes da füresc y da somënza dla provinzia de Balsan. L’obietif é chël da mëte adöm na suravijiun dla flora dla provinzia y curì insciö na locia de 100 agn che é gnüda a s’l dè dala publicaziun dl’ultim stüde söla flora de Südtirol (Dalla Torre & Sarnthein 1906-1912).
La sort efedra tl raiun alpin
Por n stlarimënt dla parentela danter les popolaziuns alpines d’efedra y l‘Ephedra distachya di raiuns söla spona dl mer dl’Europa dl vest y dl süd él gnü metü man n proiet d’archirida deboriada cun la Freie Universität Berlin.
Zoologia
I moscheruns da orp de Südtirol
Por ci che reverda i moscheruns da orp é Südtirol un di raiuns miù studiês dl’Europa.
