Nos

Te chël che ê n iade l palaz aministratif dl imparadù Maximilian I., tl ciantun nord-ost dl zënter storich de Balsan, à le Museum de Sciënzes Naturales de Südtirol süa sënta. Al é le su di museums provinziai dediché ala natöra y é l’istituziun zentrala por documentaziun y coleziun por ogec naturalistics.

Te süa mostra permanënta pîta le museum n cuader biologich y storich-cultural d’un dles regiuns plü variades dl’Europa y ilustrëia la formaziun y l’aspet dles contrades ecezionales di crëps y dles valades dla regiun cun sü ambiënc vitai.

La priorité dl’archirida tl museum y dles coleziuns é i seturs dles sciënzes dla tera, dla botanica y dla zoologia.